Text und Musik: Peter Brandenberger (1994)
Ich sitzä i mim Zimmer, losä Musig und has guät.
Dr Chopfhörer uf äm Totz und Walligä im Bluät.
Mich paggt dr Blues. äs isch wunderbar.
Da schtört mi d Muätter. nei äs isch doch war.
Sie seit: Los min Sohn, der Zmittag isch parat.
Mir alli händ Durscht, nur dr Iistee fählt.
Gang doch schnäll i Chäller, hol vier Buddlä vu dem Saft.
Das git Pfupf i d Bei und i d Armä vill Chraft.
Das isch dr Iistee-Blues.
Iistee schleppä isch für mich ä Gruus.
Ich muäs immer springä, allnä ihrä Iistee bringe.
Das isch dr Iistee-Blues.
Am Abed vor äm Färnseh. D Familiä gröhlt sich ds Tod.
Nur ich ha mit äm Iistee mini gröschti Not.
Ich chumä nümmä nachä. Äs isch veruggt,
was ä vierchöpfigi Familiä so a Iistee verschluggt.
Das isch dr Iistee-Blues...
D Eltärä i dä Feriä, ich mit äm Bruäder älläi.
Am viertel ab Füfi chunnt er vum Schaffä hei.
35 Grad im Schattä, das isch schu ächläi vill.
Er schwitzt wiä nä Moorä. Ich weiss genau was er will.
Er seit: Los jungä Schnuufer, machs wett wetsch.
Bring mer Iistee, wänn nüd gärä äis a d Birä hetsch.
Hätt mit dä Musgglä gschpillt, ich ha Angscht übercho.
Ha dr Schwanz iizogä und bi ab und dervo
Das isch dr Iistee-Blues...