Text und Musik: Peter Brandenberger (1994)
Früäner bini ammel d Allmänd uuf gloffä.
i dr linggä Hand ä Buddlä, us derä hani gsoffä.
Chuum hät mi amigs ds Behtli gseh,
hät si mich wellä zuä sich neh.
Sie hät dänn wellä Lego schpilä.
äs Huus buuä, oder sogar ä Chilä.
mit mir, hani gseit, nei, säb liit nüd dri.
Da möstisch schu, äs bitzäli bluesiger si.
Du, du bisch käis Luusmäitli.
Nei du, du chuntsch nüd druus, Mäitli.
Du, du häsch kei pfuus, Mäitli.
Was di fählt, säb isch dr Blues.
Ich bi dänn i d Schuäl chu, wiä anderi au.
Da händs mi zur Schnägg gmacht. mich armi Sau.
D Mäitli händ chännä rächt fies si.
Nur äini hät gmeint, si liäbi mi.
Mein Gott, hani gseit. Muäs das si.
Da isch si gangä, ha Gott danggt und bi jetz frii.
Zum Schluss hani nuch mis Sprüchli losluu.
Da hät si erscht rächt vor mir Riis-uus gnu. Ich ha gseit:
Du, du bisch käis Luusmäitli...
Jetz bini i dr Lehr und geschter häts gfunggt.
Nei los, diä Frau, diä bringts ufä punggt.
Sie isch so saumässig superguät druuf,
wänn mitärä schmuusisch, s verschlaht dir dr Schnuuf.
Sie isch ä Traum, kei Illusion
und mängisch amigs am Telefon,
da schtellt si mich uf, bringt Schwung i mis Läbä.
Dänn muäsärä eifach sägä:
Los du, du bisch mis Luusmäitli.
Dänn du, ja du chuntsch druus Mäitli.
Du, du häsch dr Pfuus Mäitli.
Ich gschpühr, du häsch dr Blues.
Ja du bisch jetz mis Luusmäitli.
Wetsch mit mir schmuusä Mäitli?
Chumm, mir gönd gu pfuusä Mäitli.
Los, gimmer dr Blues.