Text und Musik: Peter Brandenberger (2007)
Auftragsarbeit für Chliibüni Glärnisch
Leg d Brüllä a. Schalt ds Hörgrät ii.
Mir wänd hüt einä durägii.
Hüftprotesä, dritti Zänd.
Shake it oder twist it, was ihr wänd.
Falschi Mähnä, Oranschähuut.
Mir altä Knacker fiiret luut.
Dr Tom und d Julia, diä wänds wüssä.
Ja er will und sie will au. Du dörfsch diä Bruut jetz küssä.
D Händ gönd zur Fläschä, d Fläschä gaht zum Muul.
Mir stossed a. Das isch doch cool.